BAHADA DI PREIS DI ELEKTRISIDAT Entrante 1e di Novèmber 2022

WEB Boneiru ta anunsiá ku a stipulá tarifanan nobo pa e periodo entrante 1e di novèmber 2022 pa un periodo di 2 luna.

E tarifanan ta baha danki na un supsidio fasilitá pa Gòbièrnu di Boneiru ku pone esaki disponibel komo kompensashon pa e subida ku a bai na vigor desde 1e di yüli 2022.

E supsidio aki ta bini riba e supsidio eksistente di Ministerio EZK.

Ku esaki ta pone e tarifanan di uso fiho riba sero i ta duna un deskuento di USD 0,0350 pa kWh riba e tarifa di uso variabel.

Basá riba esakinan lo apliká e siguiente tarifanan nobo pa elektrisidat entrante 1e di novèmber 2022 pa un periodo di 2 luna:

Tarifa variabel (post-pago): USD 0.3903 pa kWh

Tarifa di Pagabon (pre-pago): USD 0.3903 pa kWh

Tarifa di uso fiho: USD 0 pa luna (òf pa kVA pa luna)

E kambio di tarifa ta visibel riba e fakturanan for di periodo di uso ku fecha di inisio pa uso di novèmber 2022.

Pa usuarionan pre-pago o sea Pagabon e tarifa adaptá ta dirèkt visibel riba nan bòn, for di 1e di novèmber 2022.

Lo publiká e tarifanan entrante 1e di yanüari 2023 despues ku ACM stipulá e tarifanan definitivo i supsidio.