Atlétiko Flamingo A Gana ATC 3 - 1 Den Promé Wega Final Futbòl di Dama 2022 - 2023

Federashon di Futbòl Boneriano djasabra último 13 di mei a start ku e final di Kampionato 2022 – 2023, pa lokual ta trata futbòl di dama.

Tabata e ekiponan Atlétiko Flamingo i Atlétiko Tera Corra ATC ku a enfrentá otro i tabata Atlétiko Flamingo ku a gana e enkuentro ku e skor 3 - 1.

Golnan pa e ekipo ganadó tabata di Junisse Allbertsz na di 29 minüt i Adriana Costa Oliveira a skor na di 31 minüt.

Pues tur tres gol anotá den apénas kuater minüt pa a seya e viktoria Flamingo.

Pa ATC tabata Natahniëla Emerenciana ku a anotá e gol pa salba honor na di 50 minüt.

E final kual ta bai den un seri ‘mihó di tres’ ta kontinuá djasabra awor 20 di mei i un empate lo ta sufisiente pa Atlétiko Flamingo tiulá kampion di Kampionato 2022 – 2023, pa lokual ta trata futbòl di dama. E segundo wega aki tambe ta tuma lugá den Stadion Antonio Trenidat.

BròKèS 93.5 ………… Skuch’é!