Komunidat di skol Bonaire tin inklusividat haltu den su bandera. Ku esei nos ke transmití ku tur hende ta konta i tin balor, sin importá e diferensianan entre hende. Nos no ta ekskluí niun hende i ta tene kuenta ku otro. Tur alumno/studiante i trahadó tin oportunidat, derecho i deber igual.
Esaki ta ún di e motibunan pakiko nos ta dediká atenshon na Paarse vrijdag (Djabièrnè lila).
Tur aña riba di dos djabièrnè di luna di desèmber ta Paarse Vrijdag. Paarse Vrijdag a originá na ehèmpel di Spirit Day na Estadonan Uní di Merka, ku a tuma lugá pa promé biaha den 2010 komo un ekspreshon kontra pèstermentu di hóbennan lhbt.
SGB, komo skol inklusivo , ta opiná ku ta importante pa kada alumno/studiante por ta su mes i ku no ta pèster e debí na su orientashon. Pa e motibu ei djabièrnè próksimo alumno-/studiantenan por mustra nan solidaridat ku lhbt+, dor di por ehèmpel:
bisti koló lila na skol,
pega un steker ‘One Love’ (ku lo parti grátis),
rushi/pinta uña lila,
òf pone un prent di dùim i/òf un lema/mensahe riba un poster spesial trahá pa e okashon.
===========================================
BròKèS 93.5 ………… Skuch’é!
.png)
Comentarios