Dia 24 di yüli último a inisiá ku trabounan di renobashon di Kaya Korona, awe despues di eksaktamente un luna por tuma nota ku trabounan ta avansando satisfaktoriamente.
Ta realisá e trabounan di renobashon for di Kaya Karpitan te na Mentor (Kaya Caribe), esaki repartí den den tres fase.
Ta kalkulá ku e trabounan lo ta kompletá dentro di kuater luna.
Ya den un luna di tempu por tuma nota ku trabounan ta basta avansá pa lokual ta trata Fase 1 ku ta kore di Kaya Karpitan te ku Kaya Gramèl.
A tèrminá ku hasimentu mas sólido di e fundeshi i na ámbos banda ‘e famoso rant di betòn’, mientras ku e último dos dianan ‘asfalt a lora’.
Awor posiblemente ta bai inisiá mesora ku konstrukshon di asera na ámbos banda di e kaya.
Pues por spera ku dentro di poko ta start ku Fase 2 ku ta kore di Kaya Gramèl te ku Kaya Kabikuchi.
Awe djárason nos di BròKèS 93.5 tabata den besindario i a kapta ‘the men him self’ o sea Manager General di BWM Novile Bartholomeus tabata wòls e kapa nobo di asfalt.
BròKèS 93.5 ………… Skuch’é!
.png)
