Bintikuater di òktober 2023 tabatin un reunion públiko di konseho Insular unda a eligí diputadonan nobo. Pa personan ku sa historia, komedia i literatura tabata e anochi pa kuminsá hasi investigashon profundo. Mi tésis ta ku tabata e drama mas hororoso den polítika di Bonaire. Pa trata e tésis aki mi ta analisá e spich di despedida di Jolinda Craane. Komo Introdukshon mi ke mustra ku a kore ku un Craane i a pone dos otro Craane ku ta Clark i Nina. Pa tur ku a studia papiamentu lo ta bon pa komprondé ku e spich di Jolinda ta konsistí di diferente nivel. Laga mi kuminsá ku e final unda ta pidi presidente pa lesa historia di Pontius Pilatus. Ta nos tur mester lesa e historia aki. Esaki ta e nivel religioso. Un siman promé Hudas ku a elogiá Hesus ta bende Hesus pa trinta moneda di plata i ta sunchi Hesus pa e legion romano sa ken mester sakrifiká. Su apòstelnan a bandon’é pero unu a kap orea di un sòldá. Hesus ta hasi un milager. Esaki ta e nivel unda Jolinda a bisa ku e a traha ku tur hende sin distinshon.E otro nivel pa mustra kobardia a tuma lugá den tribunal dia bintikuater di òktober 2023 na momentu ku ningun hende a ripití pero a pensa loke Pontius Pilatus a bisa: “E hende aki no ta kulpabel, boso husg’é segun bos lei”. E públiko a grita “Barabas nos ke pa haña libertat” Hesus a karga su krus ku solamente ayudo di Simon ku a vota kontra na momentu di votashon.Pa e nivel di historia Hesus a bisa “Abo Brutus di mi sanger, ta mata ami”
Arthur Sealy
BròKèS 93.5 ………… Skuch’é!
.png)
Comments