- Nov 18, 2022
- 2 min read

Arthur Sealy: Manifestashon kontra ken?

Tin un yamada pa demostrá pa Bonlab keda habrí. E pregunta ta. Bonlab mester keda habrí i keda den man di Bonaire ku kontrato ku ZJCN òf ta privatisá Bonlab.

E demostrashon tin solamente balor si e ta bai kontra Atministrashon di Bonaire i e bonerianonan den ZJCN ku aktitut arogante. Bonlab ta di Bonaire i a sali na kla ku no tabatin mashá aktividat pa a atendé e kaso for di promé dia ku ZJCN a anunsiá ku no ta duna kontrato na Bonlab. Awor mester mustra nos hendenan ku nan mester kambia di aktitut i defendé loke ta di nos i nan.

E problema ta na Bonaire no na Hulanda. Un demonstrashon ku entrega di un petishon kompañá ku diskurso ta kos tradishonal i ta retórika kontra Hulanda. Akshon di e manifestashon mester tin e meta pa mustra nos hendenan ku tin mandato i e poder pa kambia kos, a laga pueblo na kaya. Si tin un petishon pa entregá ta entreg’é na Gezaghèber, nombrá pa Hulanda. Sigur lo tin polítiko ku ke hiba palabra, pero ta solamente pa gana voto na mart.

Pues ban masal i entregá e petishon na Gezaghèber i si e no por no entregá ningun petishon ni skucha ningun diskurso ku ta lembementu pa voto.

Yama bondia i dobla pa kas. Mi ta solidario ku trahadónan di Bonlab i lo asistí, pero si tin diskurso lo mi alehá. Trahadónan ainda boso ta kere den komedia, payasada i lembementu pa na mart tende ta kua polítiko tin Bonlab habrí pa seis luna?

Te asina leu e komunikado di Arthur Sealy tokante henter e situashon di BONLAB.