Kampeonato mundial di futbòl den un pais ku ta den publisidat negativo pa motibu di
derecho humano, di homo i hende muhé i situashon laboral pésimo pa strañero.
Kumbre di klima a klousurá sin puntonan konkreto pa frena subida di klima i nivel di awa.
Tin pais satisfecho otro nò. Ki nifikashon e tin pa Bonaire ningun hende no sa. Ta bai puntra e bonerianonan ku tabata presente na e kumbre? Lo trata e punto di kambio di klima i responsabilidat di Hulanda pa ku Bonaire ku Sekretario di Estado señora Van Huffelen ku ta na Bonaire e siman aki? Ta bai papia ku minister Jetten ku ta desapuntá ku e akuerdo òf ta ku ámtenar di BZK òf di Klima i Energia tin ku atendé e punto aki?
Mi ta pidi tur hende ku tabatin molèster di awa pa bai papia ku Van Huffelen i mustr’e ku ta gobièrnu lokal a faya den e asuntu akí.
Burgemeester di Den Haag a pidi despensa pa e pasado di sklabitut. Nos ta kontentu?
Na Bonaire ta bai tin kombersashon ku ZJCN.
Lo bini un klima pa siguransa ku Bonlab ta keda forma parti di BHM òf e ta bai den man di ADC? Ta bai drecha salario i klima di trabou di e trahadónan òf ta bini otro trahadó for di eksterior? ZJCN lo pidi despensa pa loke a pasa? Lo bini un mihó komunikashon entre gobièrnu lokal, ZJCN i pueblo en general?
E puntonan aki, derecho humano, klima di trabou,siguransa ku Bonlab ta keda di Boneiru i no di otro, komunikashon ku pueblo i eksigí rèspèt di gobièrnu hulandes ta responsabilidat di gobièrnu lokal.
Arthur Sealy
.png)
Comments