Asuntunan manera pèrmit di konstrukshon, dokumentunan pèrdí, sekresia di komishon pa atendé un gezaghèber nobo i akusashon ku señor Nolly Oleana ta ple sabí ta tacha e lema huntu nos ta forma un komunidat. Nòmber di kandidato ku a solisitá pa e funshon di gezaghèber, konsehal i diputadonan ta balia riba ola di krítika. Tin sigur dos parti. Esnan ku ta trese nan punto dilanti no ta karga responsabilidat manera e konsehal òf kolegio ehekutivo ku si ta karga responsabilidat. Komunikado i komentario riba medionan sosial mester por realisá algu di balor loke ta nifiká un aktuashon di birtut.
Formanan di birtut ta hustisia den komunidat i e kurashi pa den komunikashon ku otro ku sí ta konsientisá di ta onesto ku komunidat. Medionan tradishonal ta pèrdiendo tereno den duna opinion ku profundidat. No tin tempu pa hasi investigashon profundo ku ta dura largu. Si tuma e kaso di gezaghèber por kuminsá puntra kon bini ta papia di un kandidato den un posishon fuerte pa bira gezaghèber. Hipotétikamente, un kontesta no probá, por bisa, tabatin influensia pa divulgá un nòmber spesífiko, tur ku a solisitá ta fuerte pa bira gezaghèber, e kandidato mes a divulgá esaki. Un otro kandidato a divulgá esaki, a base di konosementu di e komishon e konklushon ta ku e ta pará mas fuerte ku un otro pa bira gezaghèber. Asina por tin mas hipótesis.Si e punto di salida ta mantené sekresia ta mas ku na su lugá pa RCN investigá unda e sistema a faya.
Arthur Sealy
BròKèS 93.5 ………… Skuch’é!
.png)
Comments