top of page
ggzsjjg.png

Arthur Sealy; Dia di Bonaire of dia di tribu


Na kaminda pa dia di Bonaire por a tende ku regularidat e palabranan identidat i huntu. Den reunion di Konseho Insular ku mester a kuminsá och’or ta kuminsá binti minüt lat i un konsehal durante himno ta kana drenta sala i bai sinta manera nada no a pasa. Unda e rèspèt pa himno a keda. Tur spich, ku eksepshon di pastor i gezaghèber, tabata Parole, parole, ku ta nifiká palabra i mas palabra. Usando identidat, huntu, diverso, diversidat, inkluso i inklusivo, bo ta kore riesgo di ekskluí otro. E problema ta ku ta mara palabranan aki na lugá di nasementu, koló, kabei, manera di bisti i religion, loke ta totalmente robes. Ta sigui riba e kaminda robes tratando di definí ken ta boneriano. Mi pregunta; bo ke di bèrdat forma union ku tur grupo i sali na nan defensa ora kometé inhustisia kontra nan. Nos pasado i Bonaire sigur tin influensia riba nos pero nan sigur no ta determiná ken nos ta. Tur hende ta úniko pa medio di nan personalidat. Personanan nasé i biba den kualke bario di Bonaire no ta nifiká ku tur tin e mes personalidat. Mi punto ta ku ta hunga interesante ku palabranan manera identidat, diversidat, inklusivo i huntu pero ta sera wowo pa e maneho sosio ekonómiko pa un grupito, tin diskriminashon, no tin oportunidat igual den enseñansa, no ta tur hende por haña un bibienda desente i pagabel, BonLab ta kologá na un hilu, violensia doméstiko, abuso seksual i abuso laboral no ta haña atenshon. A tene un konferensia tokante siguridat ku ta nifiká ku no tin siguridat adekuá. Tur dia por ripará ku tin inhustisia mará na di unda bo ta bini. Nos ta apliká e kantika Sound of silence (Zonido di silensio) Konseho Insular i Kolegio Ehekutivo ta hibando Bonaire na un estado partí den diferente tribu manera, chino, paisa, makamba, dominikano, sürnameo, yu di Kòrsou, portugues i boneriano en bes di demokrasia unda ta reina hustisia. Mi ta obligá pa protestá kontra formashon di tribu. “Huntu nos ta forma diferente tribu” lo tabata e lema mas serka realidat.


Arthur Sealy

BròKèS 93.5 ………… Skuch’é!

8 views

Comentarios


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page