Den e aña aki di konmemorashon di abolishon di sklabitut gobièrnu hulandes a pidi diskulpa i ku esaki no ta un punto pero un kòma i Rei a pidi pa pordoná Hulanda. Den e kuadro aki tin fondo pa e islanan bini ku proyekto relashoná ku e kontinuashon di e pasado di sklabitut den e komunidat aktual.
E liña kòrá den e kombersashonnan ku Hulanda ta rasismo, diskriminashon i kolonialismo. Grupo di Diálogo Bonaire a presentá un proyekto pa bini ku un monumento ku nòmber i fam di esnan ku tabata katibu a haña libertat promé di yüli 1863. Hulanda a bai di akuerdo pa fasilitá e monumento.
Mi ke trese un diskushon saliendo for di e kombersashonnan di mesa ku Grupo di Diálogo ta organisá. Un punto importante ta si ta nòmber di e hendenan liberá so mester ta riba e monumento. Unda nòmber di e doñonan di katibu mester bini i e parti di Hulanda.
Na Hulanda tambe tabatin bos pa abolí sklabitut i nan tambe mester haña un lugá den monumento. Si nos ke kombatí rasismo, diskriminashon i kolonialismo nos mester evitá di pensa den esnan kulpabel i esnan víktima. Grupo di Diálogo Boneiru ta boga pa bai den terapia ku Hulanda pa motibu ku Bonaire i Hulanda tin un historia tokante sklabitut kompartí. Keda pensa riba sèn ta bira nos desgrasia i spesial keda aseptá “Wie betaalt, bepaalt”.
E guera largu i frustrante mester ta bringá riba diferente tereno manera: drecha kalidat di bida, amplia e parti di konsientisashon, pone nos ignoransia na
diskushon, hasi de todo na nos prehuisio, rekonosé nos erornan di den pasado. Nos tin e obligashon pa para den sapatu di e otro. E lucha kontra rasismo, diskriminashon i kolonialismo ta di nos tur aki na Bonaeiru.
Arthur Sealy
BròKèS 93.5 ………… Skuch’é!
.png)
Comments