Nov 1, 20223 min read

Arno Verhoeven, Director Ehecutivo nobo na DCNA

Arno Verhoeven entrante awe promé di novèmber lo dirigí Dutch Caribbean Nature Alliance (DCNA). DCNA ta un asosiashon regional di partnernan di organisashonnan di maneho di área protehá riba nos seis islanan di Karibe Hulandes ku e mishon di salbaguardiá naturalesa.

Pashon pa Karibe

DCNA su Direktor Ehekutivo nobo Verhoeven ta un empresario i konservashonista bibá aki na Boneiru. Su pashon pa Boneiru a lanta ora ku su mayornan a bin biba riba nos e isla kasi 30 aña pasá. For di e tempu ei Boneiru ku su naturalesa, kultura i hende a bira parti di su bida.

Eksperensia & ekspetisio

Arno Verhoeven a lanta na Hulanda. Despues di a graduá komo bachilerato den merkadeo i a traha na Turkia promé, el a drenta e agensia di aviso komersial komo un manager di relashon ku kliente. Pronto despues el a tuma e negoshi di su mayornan na edat di 26 aña. E siguiente 20 aña el a ekspandé e agensia na un di e kompanianan tòp den negoshi di kompania pa kompania na Hulanda. Na 1995 el a kuminsá ku e promé kompania hulandes suministradó di servisio di internèt, ku a bira un agensia grandi di multimedia. Na 2014 el a djòin un kompania internashonal grandi di dato ku ta spesialisá den hèrmènt di monitoreo di medionan sosial.

Pa gobièrnu na Boneiru i Kòrsou el a yuda desaroyá e promé algoritmo ku por rekonosé e idiomanan papiamentu i papiamento. Protehando Boneiru su palu di mangelnan

Na 2018 e, su esposa i dos yu muhé a muda di Eindhovenn pa Boneiru, kaminda su mama ta biba ainda. Su kompromiso ku naturalesa a pone e djòin e trabou di restorashon di palu di mangel na Lac i bira un di e mayó konservashonistanan den e trabou akí. For di 2021 e ta miembro fundadó di The Mangrove Maniacs Foudation. E grupo akí di prinsipalmente boluntario ta traha duru pa konservá i restorá e palu di mangelnan na Boneiru i ta traha huntu ku otro ngonan den region pa kompartí konosementu i abilidat.

Salbaguardiando naturalesa den Karibe Hulandes;

Den su papel nobo komo Direktor Ehekutivo di DCNA, Verhoeven tin komo meta pa sigui alsa forsa di e organisashon, drecha servisio i yuda e islanan aki pa bira mas konsiente pa konservá nos naturalesa.

Ku sosten di e organisashonnan di maneho di parke di nos islanan, e miembronan di direktiva i di ofisina di DCNA, sr. Verhoeven lo guia esfuersonan pa konstruí lasonan no solamente denter di Karibe Hulandes, pero tambe na nivel regional i nashonal, desaroyando relashonnan di trabou fuerte ku ministerionan di Hulanda i ku organisashon di konservashon na nivel haltu manera e International Union for the Conservation of Nature, Vogelbescherming Nederland i Wereld Natuur Fonds.

“DCNA ta magnífiko. Esensia di e aliansa akí ta basá riba kolaborá ku otro. Ta trata di kon bo por koperá i kompartí ku otro, na lugá di pensa pa bo mes na promé lugá. Verhoeven ta kere ku si bo yuda otro prosperá, abo mes tambe lo prosperá.

Loke ku ta hasi Verhoeven orguyoso di por sirbi e tim akí ta su espíritu kolektivo, kaminda ku e diferensianan entre nos islanan ta un enrikesimentu i e similaridatnan ta hasi nos fásilmente konsiente ku nos tur ta na bordo di e mesun barku.

Dutch Caribbean Nature Alliance (DCNA) ta un organisashon non-profit ku a krea pa protekshon di medio ambiente natural i ta promové maneho duradero di rekurso natural, tantu riba tera komo den awa, riba e seis islanan di Karibe Hulandes. DCNA su mishon ta salbaguardiá naturalesa den Karibe Hulandes dor di yuda i asistí e Organisashonnan di Área Protehá ku Maneho. Dor di krea un bos unifiká, yuda sigurá fuente di fondo duradero, kompartí rekurso, abilidat i eksperensia i promové material di edukashon pa públiko i konsiensia públiko, DCNA por fortifiká e ret di kontakto i sostené inisiativa di konservashon di naturalesa rònt Karibe Hulandes. E ofisina sentral di DCNA ta establesé na Boneiru.