ARJEN DE WOLFF A HURAMENTÁ KOMO GRIFFIER INSULAR
Djaluna 29 mei 2023 Arjen de Wolff a huramentá komo Griffier interino Insular di Boneiru. De Wolff ta susesor di Sra. S. Pieter, kende a tuma retiro entrante 1 yüni 2023.
De Wolff, ku ta biba na Rincón, no ta un nòmber dekonosí na Boneiru. E ta aktivo den vários funshon sosial boluntario. El a studia Lei na Universidat di Amsterdam.
Den pasado De Wolff tabata fungi, entre otro, komo sekretario-general den Tweede Kamer, miembro di gerensia di Cordaid, i direktor nashonal i regional pa e National Democratic Institute for International Affairs.
Tambe, De Wolff a fungi komo direktor di STINAPA, e organisashon ku ta manehá e parkenan nashonal protehá di Boneiru.
BròKèS 93.5 ………… Skuch’é!
.png)
