Djadumingu 18 di Desèmber 2022, 11or di mainta
E final mas spera paso e miho tim nan ta bai enfrenta otro, dos di e favoritonan for di komienso i e tim nan ku mas gol. Fransia, kampion defensor a gana 5 wega i pèrdè 1. Argentina a gana 4, empata 1 i pèrdè 1. Fransia a hinka 13 gol i Argentina 12. Ambos tim nan a hinka 5 gol riba nan. Den un tabla general di Mundial, Fransia ta lidera ku 15 punto i Argentina ku 13.
Kon e nan weganan previo den mundial tabata? Tres wega, dos viktoria pa e argentinonan.
1930
Argentina 1 - 0 Fransia.
Fase di grupo
Gol di Luis Monti.
Argentina tabata subkampion den e Mundial ei. Nan a elimina Fransia den fase di grupo.
1978
Argentina 2 - 1 Fransia
Golnan di Passarella i Luque pa Argentina i di Platini pa Fransia.
Argentina tabata kampion den e Mundial ei. Nan a elimina Francia den fase di grupo.
2018
Fransia 4 - 3 Argentina
Esun di Rusia 2018 tabata un encuentro emoshonante. Mbappé a marka e diferensia di gol i Messi a bai for di su di kuater mundial ku man bashi. Esei tabata e dia ku Mbappé a bira strea di futbol mundial. I e tabatin solamente 19 aña. Fransia a bira kampion den e final kontra Croacia.
===========================================
BròKèS 93.5 ………… Skuch’é! https://www.radio935bonaire.com http://radio.garden/listen/bro-ke-s-93-5-fm-boneiru/a1YG6S77 https://www.basilachill.com/#!radio/radiobrokes http://brokes935fm.radiostream123.com https://liveonlineradio.net/radio-brokes-935-Radio
.png)
