E apertura ofisial di e departamento nobo pa detenshon di estranhero na Instituto Hudisial Hulanda Karibense (JICN) a tuma lugá awe. Esaki ta marka un logro importante den e kuido i kondishonnan di detenshon pa estranhero na Boneiru.
Durante e seremonia di apertura, e oradónan a enfatisá e importansia di dignidat humano, seguridat i re-integrashon dentro di e sistema di detenshon.
Segun Toon Molleman, direktor suplente di divishon di prizòn i detenshon di estranhero: " JICN ta un instituto kompletu ku ta funshoná riba e prinsipionan di seguridat relashonal i hustisia prosedural. Nos ke logra mas ku solamente vengansa.”
E departamento nobo ta spesialmente diseñá pa kumpli ku e eksigensianan moderno di detenshon. E ta ofresé sufisiente espasio di biba, bunita fasilidatnan sanitario, ventilashon i akseso na aire liber.
Tambe tin kuido médiko adekuá i guia sikológiko disponibel. Tur esaki ta kontribuí na un ambiente di detenshon sigur i ku dignidat humano.
E esfuersonan di hopi persona enbolbí, tantu lokal komo for di Hulanda Oropeo, a hasi e progreso aki posibel. "Esaki ta un logro memorabel," sekretario di estado, señor Eric van der Burg a bisa. "Mi ta felisitá tur hende ku a kontribuí na e fasilidat nobo aki."
E apertura di e departamento aki ta suprayá e kompromiso kontinuo pa trata estranheronan na Boneiru di un manera humano i hustu.
.png)
Comentários