top of page
ggzsjjg.png

ANUNSIO IMPORTANTE TOKANTE PÈRMIT DI APK I BENDEMENTU DI VÜRWÈRK PA BONEIRU

Gezaghèber di entidat públiko Boneiru ta anunsiá ku pa bendementu i tiramentu di vürwerk di parti di empresanan kantu di kaminda públiko, un pèrmit (pa benta kantu di kaminda) ta un eksigensia. Mester entregá petishon pa e pèrmit akí pa mas tardá 17 di novèmber 2023 den forma digital via e wèpsait

Gezaghèber ta anunsiá tambe ku mester hasi tur petishon pa pèrmit i tur notifikashon relashoná ku Algemene Politie Keur (Ordenansa General di Polis) i pèrmit di bufèt pa aktividat den periodo di 15 di desèmber 2023 te ku 14 di yanüari 2024 pa mas tardá dia 17 di novèmber 2023 den forma digital via e wèpsait https://bonairegov.com/pa/empresarionan/permitnan


Importante: mester buska e pèrmit pa mas tardá 14 di desèmber 2023 na departamento di Asuntunan Hurídiko i General, situá na Kaya Industria Pariba 28. Si bo no ta den poseshon di un pèrmit rekerí, bo ta kometiendo violashon di lei. Den kaso di violashon di lei ta tuma medida a base di lei atministrativo òf lei penal kontra e persona ku a violá lei.


Despues di 17 di novèmber 2023 no ta tuma petishon pa pèrmit òf notifikashon pa aktividat planiá den periodo for di 15 di desèmber 2023 te ku 14 di yanüari 2023 den tratamentu. Gezaghèber ta supliká tur hende pa tene kuenta ku e términonan menshoná akí riba i pa kumpli ku esakinan.


Gastu di limpiesa

Pa informashon tokante e gastunan di limpiesa, e persona ku ta hasi petishon mester tuma kontakto adelantá ku Selibon NV na number di telefòn 717 – 8159. Huntu ku e petishon pa pèrmit mester entregá un prueba ku ta mustra ku a paga e gastunan di limpiesa òf un suma di garantia.

  • Pèrmit di benta di vürwèrk kantu di kaminda (ventvergunning)

E aktividatnan relashoná ku bendementu, almasenamentu i transporte di vürwerk mester ta konforme artíkulo 3 di e Dekreto di Vürwèrk Boneiru (Vuurwerkbesluit Bonaire) i mester hasi notifikashon di esakinan na Kolegio Ehekutivo.

  • Ordenansa General di Polis (Algemene Politie Keur) i pèrmit di bufèt pa aktividat

E anunsio akí ta enserá petishon pa pèrmit relashoná ku organisashon di evento públiko, aktividat públiko, presentashon musikal (manera grupo di gaita, aguinaldo, barí i tambú), i pèrmit di bufèt.


Meta di e areglo akí ta pa haña un bista adelantá di e kantidat di aktividat ku ta bai organisá durante e periodo di 15 di desèmber 2023 te ku 14 di yanüari 2024, relashoná ku mantenshon di órden públiko, trankilidat i siguridat.


Paga tinu: No ta duna pèrmit pa presentashon musikal na e siguiente sitionan:

  • Henter Kaya Korona;

  • Ons hoekje na Kaya Avelino J. (Abechi) Cecilia;

  • Skina di Kaya L.D. Gerharts i Kaya Lib. Simon Bolivar;

  • Skina di Kaya Grandi i Kaya L. D. Gerharts;

  • Kaya Nikiboko Nort i Kaya Nikiboko Sùit;

  • Kas di Hadrei na Kaya Minguel Pourier;

  • Ta pèrmití presentashon musikal na e ‘kiosko’ na Plaza Fraternan di Tilburg solamente riba djadumingu,

pero no durante oranan ku tin santu sakrifisio di misa den Misa di San Bernardo.


Pa tur presentashon mester hasi notifikashon por lo ménos dos dia adelantá na departamento di tráfiko di Kuerpo Polisial Hulanda Karibense. Den kaso di presentashon na e ‘kiosko’ na Plaza Fraternan di Tilburg, mester hasi notifikashon di esaki por lo ménos un (1) siman adelantá.

BròKèS 93.5 ………… Skuch’é!

4 views

Comments


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page