Akademia Papiamentu ta presentá e promé Festival Bin konta bo k’o

Boneiru ta preparando pa dia 16 di sèptèmber awor pa skucha alrededor di 10 storia kòrtiku skirbí pa outor i kontadónan nobo di kuenta kòrtiku.

E proyekto akí ta un inisiativa di Akademia Papiamentu pa promové nos idioma papiamentu, prinsipalmente nos dicho i proverbio nan. Mas o ménos 14 hende a partisipá na e kurso di skirbi i konta kuenta. Segni Bernardina di Art Culture Education Foundation a duna e kursonan.

Despues di tres luna di preparashon nos ta kla pa presentá na Boneiru algun storia kòrtiku nobo. Asina Elsmarie Beukenboom di Akademia Papiamentu a bisa. E partisipantenan mester a usa dicho i proverbio pa inspirá nan pa skirbi un storia kòrtiku. Mester bisa ku e storianan ta varia den genero di dramátiko te chistoso.

BròKèS 93.5 ………… Skuch’é!