Siman pasa e sindikato Curaçaose Bond van werknemers in Verplegende en Verzorgende instellingen (CBV) tabata di bishita na Boneiru i AFBW a prepará un “draaiboek” pa diferente enkuentro sindikal i sosial.
AFBW i CBV a firma un protokòl di koperashon, firmando e protokòl aki, e dos sindikatonan aki lo bai traha huntu, den solidaridat i union pa yuda otro, sostené otro i fortifiká otro ku e propósito pa hasi uzo di tur konosementu, eksperensia i fasilidatnan.
CBV ta un sindikato ku hopi aña di eksperensia i tin representashon den e sektor di kuido i enfermeria na Kòrsou i St. Maarten.
Pa AFBW esaki ta un akuerdo di koperashon, pa por haña i interkambiá mas eksperensia, un pa ku otro.
AFBW un sindikato den sektor di enfermeria i kuido, ta hasi un yamada pa tur hende ku ta laborá den e sektor aki pa bira miembro di AFBW.
Mester sigui traha riba futuro sindikalistanan, dor di forma mas hende pa por sigui karga sindikalismo aki na Boneiru. Tin hopi reto pa sigui atendé kuné kada dia di nobo.
Ku e akuerdo di koperashon aki AFBW ta mas fuerte pa nan miembronan den e sektor di kuido enfermeria.
Mas uni i fuerte trahadónan ta, lo konstruí un mihó sosiedat kaminda e lucha kontinuo lo ta hustisia pa un i tur i ku rèspèt pa dignidat humano.
AFBW lo hasi enkuentronan di interkambio riba e área sindikal dor di manda shopsteward nan pa otro paisnan, pa por wak kon e trabou sindikal ta tuma lugá serka nan.
AFBW i CBV lo forma un moketa huntu pa sigui hiba e lucha kontra inhustisia laboral.
BròKèS 93.5 ………… Skuch’é!
.png)
Commentaires