AFBW ta kumpli 56 aña di eksistensia.
Dia 22 novèmber último, e sindikato AFBW a kumpli 55 aña di eksistensia.
Pa e okashon aki, AFBW a introdusí tambe “Pikòp Sindikal AFBW”.
AFBW ta kere den fasilidat nan i ekiponan pa por duna mihó servisio na su miembronan.
Aña 2022 tabata un aña mas di hopi reto i hopi trabou pa AFBW, direktiva di AFBW por mira bek riba un aña 2022 hopi positivo i ku hopi logro pa ku e klase trahadó.
Fasilidatnan i ekiponan ta importante den e mundu moderno di sindikato.
Mester tin un kas òf un kantor sindikal, mester tin un lokalidat pa duna lès i sala di reunion pa por reuní ku miembronan. Aparatonan moderno di komunikashon no por keda afó den e mundu moderno aki.
Tambe ta di sumo importansia, un vehíkulo sindikal pa por move kuné, sigur si bo mira na kuantu organisashon AFBW tin representashon i ku mester hiba diferente bishita na e organisashon nan aki.
AFBW su direktiva a opta ku no por sigui hasi uso di vehíkulonan personal, AFBW ta un sindikato sólido i ku ta apliká su statuto i regla di kas. Un sindikato ku tur su kosnan ta na òrdu, un sindikato ku ta parti su relato finansiero na tur su miembronan i tambe na organisashon nan kaminda ku e tin representashon. AFBW su relatonan finansiero ta wòrdu aprobá pa un akountent rekonosé.
Direktiva lo sigui duna servisio na miembronan i klase trahadó manera ya el a bin ta hasi.
AFBW ta hasi un yamada na miembronan pa postulá nan mes pa elekshon di direktiva 2022 – 2025.
Direktiva kier yama tur miembro danki di ta forma parti di e famia grandi di AFBW.
AFBW ta pidi e klase trahadó ku no ta afiliá na un sindikato pa por hasi esaki den forma kolektivo.
Tambe AFBW ta gradisí tur e trahadónan ku a buta nan konfiansa den e sindikato i ta pidi tur trahadó pa keda den Union, pasó 'Den Union tin Forsa'.
Direktiva di AFBW,
----------------------------------------------------------------------------------------
Di parti BròKèS felisitashon pa AFBW ku 55 aña di eksistensia
i tambe pabien ku e Pikòp Sindikal AFBW.
BròKèS 93.5 ………… Skuch’é!
https://www.radio935bonaire.com
http://radio.garden/listen/bro-ke-s-93-5-fm-boneiru/a1YG6S77
https://www.basilachill.com/#!radio/radiobrokes
.png)
