Djasabra awor 30 sèptèmber Ace Kids Club lo tin un stènt di informashon den e Mucha Festival ku lo tuma lugá na Jong Bonaire di un’or pa seis’or di atardi.
ACE Kids Club ta un skol di arte ku ta bou di maneho di “Art Culture Education Foundation”.
Un fundashon ku tin komo meta promove Arte, Kultura i Edukashon na Boneiru via di proyektonan edukativo riba e tereno di músika, baile, teatro, arte plástiko, arte visual i muchu mas.
ACE Kids Club a yega di produsi diferente proyektonan entre otro “Palu di Kuenta” i “Palu di Kuenta ta konta di Kompa Nanzi”. Pa e proksimo lunanan di oktober, november i desember ACE Kids Club ke òrganisá un festival di kuentanan kòrtiku ku algun drama coaches, ku a sigui un kurso intensivo pa skibi i produsi nan propio obra. Nos ta enbuska di muchanan ku lo ke forma parti di e proyekto aki. Ta trata di muchanan entre 5 pa 10 aña di edat.
Djasabra awor den e Mucha Festival ACE Kids Club lo tin su stènt pa duna informashon tokante di e proyekto i alabas mayornan lo por inskribi nan yunan personal.
Pa mas informashon por mail nos na acesbonaire@gmail.com por tuma kontakto ku nos via telefon +599 790 0155, facebook page: ACE Bonaire, instagram: @acebonaire i nos website www.acesbonaire.org.
BròKèS 93.5 ………… Skuch’é!
.png)
Comments