Na Hulanda, djaluna 12 di desèmber 2022, minister di Hustisia i Seguridat a postulá Alwyn Braaf serka Rei Willem Alexander, pa nombra Braaf komo hefe nobo di Kuerpo Polisial Hulanda Karibense.
Despues di un selekshon kouteloso, e komishon di selekshon a nominá Braaf pa e funshon. Señor Braaf tin un karera ekstenso den Kuerpo Polisial, ku mas di 25 aña di servisio na KPCN.
Aktualmente Alwyn Braaf tin e funshon di hefe di reshèrshi na KPCN, un funshon ku e ta ehersé ku hopi dedikashon i profeshonalismo. Instalashon di e hefe nobo di kuerpo ta tuma lugá riba djabièrnè 13 di yanüari 2023 i dia 12 di yanüari e hefe di kuerpo aktual, Jose Rosales, lo baha for di e funshon.
KPCN ta hopi agradesido na Jose Rosales ku a okupá e funshon di hefe di Kuerpo Polisial Hulanda Karibense pa seis aña. Sinembargo, Rosales, pa algun aña más, lo fungi komo konsehero di kolegio di hefenan di kuerpo i lo risibí i instalá e hefe di kuerpo nobo kòrdialmente.
===========================================
BròKèS 93.5 ………… Skuch’é! https://www.radio935bonaire.com http://radio.garden/listen/bro-ke-s-93-5-fm-boneiru/a1YG6S77 https://www.basilachill.com/#!radio/radiobrokes http://brokes935fm.radiostream123.com https://liveonlineradio.net/radio-brokes-935-Radio
.png)
