A konkluí programa di TV 'Boneiru Ta Vota' ku éksito

Djaweps último a transmití e último episodio di 'Boneiru Ta Vota', un siklo di programa tokante elekshon pa Konseho Insular na Boneiru.

Por a mira e programa dos siman largu bibu na entre otro kanal 24 i e página di Facebook di NOS TV. 'Boneiru Ta Vota' a karakterisá su mes komo un ‘late-night-talkshow’ interaktivo tokante aktualidat, polítika i e elekshon di 15 di mart. Kada biaha dos polítiko i un persona for di komunidat tabata na mesa. Produkshon i presentashon tabata na enkargo di Jericette Moniz.

Bon apresiá Miradónan di e programa a sera konosí ku tur partido polítiko i kandidato i nan puntonan di bista. Tambe nan por a hasi pregunta via WhatsApp. Riba e dia di elekshon, tabatin un transmishon maratóniko, kaminda henter dia nònstòp un ekipo kompleto a duna relato bibu. Mirando reakshonnan ku a drenta, esnan ku a mira e programa a apresiá tantu e talkshow komo e relato bibu.

===========================================

BròKèS 93.5 ………… Skuch’é!