top of page
ggzsjjg.png

A firma akuerdo di kolaborashon pa e proyektonan piloto ‘De Bibliotheek op School’ i ‘Boekstart’

A firma akuerdo di kolaborashon ku Entidat Públiko Boneiru pa e proyektonan piloto ‘De Bibliotheek op School’ i ‘Boekstart’


Kolegio San Luis Bertran, Skol Amplio Papa Cornes i akohida pa mucha Tia Sus dia 18 di aprel 2023 a firma un akuerdo di kolaborashon ku Entidat Públiko Boneiru pa komienso di e proyektonan piloto ‘De Bibliotheek op School – Biblioteka na Skol’ i ‘Boekstart – Ranka Sali ku Buki’. Ku e proyektonan piloto akí e dos skolnan i e akohida pa mucha akí strukturalmente ta risibí sosten di parti di Biblioteka Públiko Boneiru. Komo parti di e sosten akí konseheronan riba tereno di lesamentu ta yuda por ehèmpel dosentenan i alumnonan ku promoshon di lesamentu i abilidat di informashon. Nan ta ofresé yudansa tambe pa hinka un biblioteka bunita organisá den otro na skol ku un kolekshon atraktivo di buki i un sistema di fia buki outomatisá, ku kua e muchanan por fia buki pa bai kas kuné. Via e katalòk digital por reservá e títulonan deseá na Biblioteka Públiko Boneiru. For di e proyektonan piloto akí a kapasitá empleadonan di ámbos skol, e akohida pa mucha i Biblioteka Públiko Boneiru komo kordinadó di lesamentu i konsehero riba tereno di lesamentu.


Na aña 2023 i 2023 Boneiru ta hasi uso di un ‘supsidio di empuhe’ pa e proyekto piloto ‘Boekstart’. E supsidio di empuhe ta un supsidio prosedente for di e ‘Masterplan Basisvaardigheden – Plan Maestro Abilidatnan Básiko’ di minister Wiersma di enseñansa básiko i enseñansa avansá i sekretario di estado Uslu di kultura. Ku e supsidio akí ta proveé tur skol básiko, enseñansa avansá i 12 instituto di akohida pa mucha ku un biblioteka aktraktivo na nan propio ubikashon. E proyekto piloto ta e predesesor pa mas proyekto ku nan ta fasilitá ku e supsidio akí.


Durante e último añanan a tuma diferente medida pa hisa disposishon di biblioteka na un nivel mas haltu na Boneiru. Introdukshon di e programa di promoshon di lesamentu ‘BoekStart – Ranka Sali ku Buki’ den akohida pa mucha i ‘Bibliotheek op School – Biblioteka na Skol’ na un ehèmpel di esaki. Ku e proyektonan Biblioteka na Skol i Ranka Sali ku Buki, enseñansa, Biblioteka Públiko Boneiru i Entidat Públiko Boneiru ta bai traha huntu. Pa medio di e kolaborashon akí diariamente ta bini mas atenshon pa goso den lesamentu serka e alumnonan i alabes sabiduria tokante kon pa anda, tantu na skol komo na kas, ku medionan di komunikashon den nos komunidat.

Di e manera akí ta stimulá nos muchanan i hóbennan pa lesa mas i nan ta siña pa anda mas mihó ku internèt, medionan sosial i e weganan ku nan ta hunga riba nan telefon, tèblet, lèptòp, kòmpiuter etc. Pasobra mucha ku por lesa bon i komprendé tekstonan narativo òf informativo, por atkirí konosementu mas mihó i desaroyá nan mes mas aleu. Huntu ku esaki storia i poesia tambe ta hopi importante pa yuda mucha i tiner sinti empatia i mas komprenshon pa otronan. Di e manera akí nos muchanan por partisipá mas mihó na nos komunidat.

===========================================

BròKèS 93.5 ………… Skuch’é!

8 views

コメント


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page