Djaweps 25 di yüli, alrededor di algun minüt promé ku 12 or di mardugá, un ekstorshon a tuma lugá na un bankomátiko riba Bulevar Miguel Pourier na Rincon.
Bou di menasa, un sospechoso a fòrsa un hòmber pa saka sèn.
E víktima a deklará ku a menasé ku un opheto paresido na un arma di kandela.
Despues e sospechoso a subi un vehíkulo i a kore bai.
Mesora e víktima i testigunan a tuma kontakto ku polis i a duna un deskripshon detayá di tantu e sospechoso komo e vehíkulo i su plachi di number.
E deskripshonnan eksakto a yuda pa un patruya polisial identifiká e vehíkulo en kuestion, loke a kondusí na detenshon di dos sospechoso relashoná ku e kaso aki.
Ta trata di e hòmbernan J.J.s.J. di 24 aña di edat i K.R.R.A di 23 aña di edat.
Investigashon den e kaso ta kontinuá.
.png)
Comments