Sesenta aña pasá riba 22 di novèmber a tira John F Kennedy mata. Binti ocho aña pasá a kuminsá ku dia di Antia pero a kai na nada na aña 2007. Ideal di Kennedy : No puntra ki bo pais por hasi p’abo pero kiko abo por hasi pa bo pais i PAR kier a restrukturá Antia di sinku. Ta idealnan ku no a biba na Bonaire i awor por kosechá un komunidat partí den esnan ku tin i e esnan ku no tin. Awor ku konsehal Vrolijk su motivashon ta konosí ta tempu pa trata na komprondé Kiko ta biba den komunidat relashoná ku maneho di Bonaire. Tin asina kaso ku ta sklama pa aklarashon pero no ta bini solushon pa motibu di arogansia, no solamente den Kolegio Ehekutivo pero tambe den Konseho Insular, den kompanianan anónimo di maneho di Bonaire, direktoradonan, instituto i organisashonnan komersial i sosial ku a kousa rabia i disgustu i gritu pa algu nobo pero ku no por definí e kos nobo. Dos partido ku nan programa i un independiente ku solamente idea ta yega na akuerdo di koperashon ku ainda mester bira programa di maneho. Un koperashon basá riba sinkuenta punto pero mi ta sita Willem Drees , un di Hulanda su polítikonan di taye ku a bisa: “No ta tur kos ta posibel i sigur no tur pareu”.
Arthur Sealy
BròKèS 93.5 ………… Skuch’é!
.png)
Comments