Dia 24 di yuli ta selebrá Dia Internashonal di Tekila, un bebida di orígen Mexicano, pero nan ta konsumí rònt mundu kompañá ku salo i lamunchi.
Dikon ta selebrá Dia Internashonal di Tekila?; A skohe e fecha pasobra riba 24 di yüli 2006, UNESCO a deklará e paisahe di agave (matanan for di kua ta saka tequila) i e fasilidatnan industrial bieu di Tequila komo Patrimonio Mundial.
Ta bon pa menshoná ku Tekila tin un otro selebrashon riba kalendario, ya ku na Mexico ta selebrá Dia Nashonal di Tekila riba e di tres diasabra di mart.
Kiko ta tekila i kon ta trah’é? Tekila ta un bebida destilá saká for di mata di agave blou i tabata trahá originalmente na Jalisco (Mexico). E ta e bebida mas representativo di Mexico, ounke ya ta eksport’é pa tur parti mundu. E tin un Designashon di Orígen, regulá pa un Konseho Regulatorio.
Tequila ta bini di kurason di agave blou, un tipo di anasa for di kua ta saka e materia.
Su proseso di produkshon por dura mas ku dies aña for di momentu ku planta e agave te ora e madurá. Mester sembra i hasi e produkshon riba e teritorionan ku ta deklará den ‘Denominación de Origen Tequila (DOT)’. 181 munisipio di sinku estado di Repúblika Mexicano ta inkluí: Jalisco, Nayarit, Guanajuato, Tamaulipas i Michoacán.
Tipo di Tequila Nos por distinguí dos kategoria den tekila:
Tequila ta trahá di un meskla di suku di kua por lo ménos 50% mester bini di agave.
100% tequila di agave: E ta trahá di solamente di suku di agave. Dependiendo di e tempu i método di madurashon, por distinguí e siguiente variedatnan di tekila:
· Blanco o plata
· Joven o oro
· Reposado
· Añejo
· Extra añejo
.png)
Comments