top of page
ggzsjjg.png

18 di òktober Dia kontra Trafikashon di Hende; kiko ta trafikashon di hende?

“Un hòmber a bisa ku mi por gana sèn pa mi famia. El a yuda mi bin akinan, pero a kita mi pasport despues. Awor ta obligá mi pa hasi trabou pisá 12 ora pa dia.”

Esaki ta un di e historianan di e personanan ku a bira víktima di trafikashon di hende. Rònt mundu tin por lo ménos sigur 50 mion hende víktima di trafikashon di hende. Hopi di e víktimanan aki ta permanesé invisibel i pa e motibu aki no ta haña yudansa. Riba 18 di òktober ta Dia kontra Trafikashon di hende i ta pidi atenshon pa esaki. Pero, kiko trafikashon di hende ta presis? I abo mes por hasi algu kontra di dje?

Kiko ta trafikashon di hende?

Trafikashon di hende ta entre otro, rekrutá, transportá òf interná i alohá hende dor di usa preshon. Tambe sa yama trafikashon di hende eksplotashon. Nos ta papia di eksplotashon ora ta obligá un persona pa hasi sierto kosnan for di kual otronan ta saka probecho. Tin diferente manera kon por obligá un hende, por ehèmpel dor di violensia, menasa òf den kaso ku ta abusá di un hende.


Kontrabanda di hende tambe ta sosodé hopi

Kontrabanda di hende ta brinda yudansa i transporte na hende pa pasa nan di kontrabanda over di frontera. Kontrabandistanan di hende ta hasi uso di e nesesidat di ekstranheronan. E personanan di kontrabanda ta paga e kontrabandista pa por ehèmpel transporte, alohamentu òf dokumentunan (di biahe) falsu. Esaki tambe ta algu ku hopi be ta bai en kombinashon ku trafikashon di persona.


Kon bo ta rekonosé ku un hende ta víktima di trafikashon di hende?

Tin diferente forma di trafikashon di hende, manera eksplotashon seksual, eksplotashon laboral, eksplotashon kriminal òf eliminashon di órgano. Kada forma konosé su propio señalnan. Mayoria be den kaso di trafikashon di hende ta trata di un kombinashon di diferente señal. E persona mester traha dianan di trabou largu, ta obligá e persona pa tene relashon seksual òf e hende no tin su pasport mas.


Bo ta rekonosé señalnan? Notifiká esaki!

Bo ta rekonosé señalnan òf bo ta sospecha ku un persona ta víktima di trafikashon di hende. Yama polis via +599 – 715 8000 (Boneiru), +599 – 416 3737 (Saba), +599 – 318 2333 (Sint Eustatius). Òf yama e liña di tep di polis: 9310.


Kiko gobièrnu ta hasi kontra di trafikashon di hende?

Hulanda Karibense ta atendé e kombatimentu di trafikashon di hende mas kompletu ku ta posibel. E ta enbolbí tur partidonan ku por duna un kontribushon na esaki. Huntu ku e partnernan aki gobièrnu ta brinda kuido i sosten na e víktimanan di trafikashon di hende.

BròKèS 93.5 ………… Skuch’é!

23 views

Comments


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page