E promé Konferensia di Utilidat Kolaborativo Boneiru, organisá pa Water- en Energiebedrijf Bonaire (WEB), a konkluí ku gran éksito na e Sentro di konferensia di Delfins Beach Resort. E evento inovativo aki, ku a tumá lugá riba 28 i 29 di novèmber, a trese no ménos ku 75 eksperto, proveédor di solushon i instansianan pa regulashon for di Boneiru, Aruba, Kòrsou, Saba i Hulanda huntu pa diskutí e futuro pa maneho di suministro di utilidat.
Aspektonan ku a destaká durante e evento:
Dia 1: Moderadó Sra. Nathalie Cannegieter a inisiá e konferensia ku entusiasmo, siguí pa un diskurso di apertura inspirandor di CFO di WEB, Sra. Joanne Balentien-Nicastia. E promé dia a ofresé un seri di lektura i debate, tur relashoná ku futuro maneho di awa tantu pa nos isla komo mundialmente.
E oradó prinsipal señor Hein Pieper, presidente di Rijn & Ijssel Water Autoriteit, a elaborá riba tópikonan vital; manera efektonan di kambio di klima i siklonan di awa pa Boneiru. Otro temanan importante tabata purifikashon di awa di roil i e importansia di produkshon di awa sosteníbel pa Boneiru.
E promé dia a terminá ku un presentashon di un dokumental tokante e aniversario di 60 aña di WEB."
Dia 2: E di 2 dia tabata ku enfoke riba forsa di elektrisidat i e impakto ku esaki tin riba futuro di nos mundu. E enfoke tabata prinsipalmente riba energia sosteníbel i energia bèrdè, inkluyendo teknologia hibrido, di solo, bientu i bateria. Otro tópikonan importante tabata;
E posibilidatnan pa fondonan di EU,
Sistema inovador híbrido ku bateria pa produkshon di elektrisidat sostenibel na Boneiru,
Menasanan, pero prinsipalmente e posibilidatnan ku vehíkulonan eléktriko por ofresé e isla.
A konkluí e evento ku un despedida festivo na BBQ @ The Beach.
Tokante e konferensia:
E CUCB ta un evento inovativo ku ta mehorá e kolaborashon i interkambio di konosementu den e sektor di utilidat. Hopi tópiko a ser tratá, inkluyendo maneho di suministro elektroniko, energia renobabel,
produkshon di awa i resiklahe di awa di kloaka. Oradónan importante aparte di Sr. Hein Pieper, tabata Sra. Joanne Balentien-Nicastia (CFO, WEB), Sr.Gerrit Scharrenberg (COO, WEB), Sr. Hans Staring (Manager Business Unit Water, WEB), Sr.Robert Emerenciana (Manager Business Unit Electricity, WEB), Sr.Arthur Janga (Manager Business Unit Waste Water, WEB), Sra.Mildred Schwengle, Sr.Edison Rijna, Sr.Roland Ferwerda i Sr.Quinto di Ferdinando.
E konferensia a fasilitá debatenan tokante solushonnan inovativo i tendensianan ku ta na kaminda, ku ta krea espasio pa desaroyonan den futuro den maneho di suministro di utilidat pa Boneiru i ei fó.
BròKèS 93.5 ………… Skuch’é!
.png)
Comentários